Սթրեսը բարելավում է ուղեղի աշխատանքը. գիտնականներ

Ամերիկացի գիտնականները հայտարարել են, որ գործընկերների հետ խնդիրների պատճառով կամ քննությունների նախօրեին առաջացած սթրեսն օգտակար է ուղեղի համար: 

Կալիֆոռնիայի համալսարանի ուսումնասիրողների խումբն իր առջև խնդիր է դրել պարզել, թե արդյո՞ք անհանգստության ուժեղ նոպաները կարող են օրգանիզմի համար օգտակար լինել: 

Գիտնականները փորձերի համար լաբորատոր առնետներ են օգտագործել: Փորձերից առաջ նրանք ստուգել են կենդանիների հիշողությունը և զգոնությունը: 

Արդյունքները ստանալուց հետո առնետներին վանդակների մեջ են դրել և որոշ փորձությունների ենթարկել: Փորձություններից անմիջապես հետո կենդանիների ուղեղի աշխատանքը գրեթե չի փոխվել, սակայն երբ երկու շաբաթ անց սթրես ապրած կենդանիները լրացուցիչ թեստեր են հանձնել, պարզվել է, որ նրանց ուղեղի աշխատանքը բարելավվել է: 

Այնպես որ սթրեսի չափավոր քանակը բարելավում է զգոնությունը, ինչպես նաև՝ հիշողությունը, տեղեկատվությունը պահպանելու և վերլուծական կարողությունները։

Ամերիկացի գիտնակններն իրենց աշխատանքի արդյունքները հրապարակել են eLife ամսագրում:

Հարցեր, պատասխաններ, մեկնաբանություններ